Калядкі.
19.01.2022Калядкі
Зімовыя святкі. Каляды святкаваліся з 24 снежня па 6 студзеня (па старому стылю). Зараз яны адзначаюцца з 7 па 19 студзеня. Каляды – гэта народны абрад, асноўным прызначэннем якога было паскорыць набліжэнне цёплых дзён і пры дапамозе магічных дзеянняў забяспечыць добры ўраджай у надыходзячым годзе. З цягам часу святкаванне Каляд станавілася ўсё больш займальным.
Цэнтральнай падзеяй у калядным свяце было так званае калядаванне: абход сялянамі дамоў аднавяскоўцаў з выкананнем калядных песень. Сярод калядоўшчыкаў выдзяляліся Каза, Мядзведзь, Воўк, Цыган, Звезданоша, Механоша, Мароз.
Калядоўшчыкі выконвалі віншавальныя калядныя песні.
У наш садок 19 студзеня таксама завіталі калядоўшчыкі. Завіталі да нас Каза, цыганка з мядзведзем, хазяйка, карова.
Разам з дзецьмі і дарослымі госці спявалі святочныя песні, жадалі дабрабыту і шчасця.
Свята прайшло па ўсяму садку, госці нікога не забылі, за гэта іх адарылі смачнымі пачастункамі.
Ссылка на фото и видеорепортаж: