«Восеньскі кірмаш»
24.10.2019У холе панавала добразычлівая, цёплая атмасфера. Удзельнікі выхавальнікі дашкольнай адукацыі, хлопчыкі і дзяўчынкі старшых груп падчас усяго канцэрта гаварылі па-беларуску. Асабліва шчыра гучала родная мова з вуснаў дзетак! Яны выконвалі беларускія песні, прымалі ўдзел у вясёлых беларускіх гульнях, ігралі на народных інструментах, чыталі вершы, танцавалі. Не абышлося і без тэатральных пастановак: жартоўная сцэнка з Лявонам і Лявоніхай, Каровай, гандлярамі выклікала ўсмешкі гасцей.
Свята атрымалася пазнавальным і вельмі эмацыянальным. Такія мерапрыемствы развіваюць дзяцей духоўна. Спадзяёмся, што ўсё разумнае, добрае, вечнае, што мы, педагагічныя работнікі, пасеем у дзіцячых сэрцах, дасць плён.